भूकम्पका कारण जाजरकोट र रुकुम पश्चिममा गरी शनिबार साँझसम्म १५७ जनाको मृत्यु भएको छ । भूकम्पबाट हालसम्म दुवै जिल्लामा गरी १९७ जना घाइते भएका छन् । प्रहरीका अनुसार भूकम्पका कारण जाजरकोटमा १०५ जनाको तथा रुकुम पश्चिममा ५२ जनाको मृत्यु भएको छ । यसैगरी भूकम्पबाट जाजरकोटमा १०५, रुकुम पश्चिममा ८५, दैलेख र बैतडीमा तीन-तीन तथा रोल्पामा एक जना घाइते भएका छन् । घाइतेको उपचार र उद्धार कार्य जारी छ।
गएराति ११:४७ बजे जाजरकोटको बारेकोट गाउँपालिका–१, रामीडाँडा केन्द्र विन्दु भइ ६ दशमलव ४ रेक्टरस्केलको भुकम्प गएको थियो। भूकम्पबाट जाजरकोट र रुकुम पश्चिममा ठूलो धनजनको क्षति भएको छ।
मध्यरातमा आएको भूकम्पका कारण थुप्रै मानिसको मृत्यु भएको हो। निद्रामा रहेका मानिसहरुमाथि घर खस्दा धेरैको च्यापिएर मृत्यु भएको हो। अहिले जाजरकोट र रुकुम पश्चिमसहित समग्र नेपाल शोकमा डुबेको छ। मानिसका लास र उद्धारका लागि दौडिएका दृष्यहरुले सबैलाई भावविह्वल बनाएको छ।
जाजरकोट भूकम्पपछिका केही तस्बिरहरु-
