सौन्दर्य कायम राख्न प्रयोग गरिने रसायनयुक्त उत्पादनले ओठको सुन्दरतालाई घटाउँछ। गुलाबी ओठमा कालोपन बढ्न थाल्छ। गुलाबी ओठले अनुहारको सौन्दर्यता बढाउँछ। तर, धेरै मानिसहरु ओठ फुट्ने, सुख्खा र कालो हुने समस्याले पीडित भएका छन्। मौसममा आएको परिवर्तन र रासायनिक पदार्थको प्रयोगले ओठको छालाको ओसिलोपन हटाउँछ। जसले ओठलाई कालो बनाउँछ।
वास्तवमा, ओठको छाला अनुहारको छाला भन्दा पातलो हुन्छ। जुन सजिलै बिग्रन्छ र रङ्ग पनि झर्छ। मेलानिनको उत्पादन बढेपछि पनि ओठको छाला हाइपर पिग्मेन्ट हुन थाल्छ।
यी ५ टिप्सले ओठ कालो हुने समस्याबाट छुटकारा दिलाउन सक्छ-
लिप आयल मसाज
ओठको कालोपन हटाउन नरिवल, जोजोबा वा बदाम जस्ता कुनै पनि तेलको केही थोपा लिनुहोस्। अब यसबाट ओठमा हल्का मसाज गर्नुहोस्। यसमा पाइने बोसो र मिनरल्सले ओठको सुख्खा छालालाई हाइड्रेट गर्छ। यसले ओठको छाला नरम र चम्किलो बनाउँछ। राति सुत्नुअघि मसाज गर्नुहोस्। यसले रातभर ओठमा तेल रहिरहन्छ।
चिनी र महको लेप लगाउनुहोस्
ओठको छालालाई स्वस्थ राख्न र कालोबाट जोगाउन महमा चिनी मिसाएर ओठमा लगाउनुस्। यसलाई ओठमा १० देखि १५ मिनेटसम्म छोड्नुहोस्। अब चिसो पानीले ओठ सफा गर्नुहोस्। यसले छालाको मृत कोशिका बाहिर निस्कन्छन्। छालालाई नरम बनाउँछ। यसलाई दैनिक नुहाउनुअघि ओठमा लगाउनुहोस्।
अनारको दाना र गुलाब जल
अनारको जुसले हाइपरपिग्मेन्टेसनको समस्या समाधान गर्न मद्दत गर्छ। यसका लागि गुलाब जलमा अनारको दानाको रस मिसाएर त्यसमा ताजा मलाइ हाल्नुहोस्। यो मिश्रणलाई ओठमा हल्का मसाज गर्नुहोस्। यसलाई ५ मिनेटको लागि छोडिदिनुस्। त्यसपछि ओठ धुनुहोस्। यसले ओठको छालाको कालोपन विस्तारै हटाउन थाल्छ।
हल्दी र दूध
ओठको कालोपन कम गर्न बेसार उत्तम विकल्प हो। जसका कारण छालामा मेलानिनको प्रभाव कम हुन थाल्छ। ओठलाई प्राकृतिक रुपमा गुलाबी बनाउन काँचो हल्दीलाई पिस्नुस्। त्यसपछि एक चम्चा दूधमा १/२ चम्चा बेसार मिसाएर ओठमा लगाउनुहोस्। जसका कारण ओठको कालोपन कम हुन थाल्छ। यसलाई दैनिक ओठमा लगाउनाले ओठ सुख्खा हुने समस्या पनि हट्न थाल्छ।
कागती, मह र ग्लिसिरीन
भिटामिन सीले भरपूर कागतीको रसले छालामा कोलाजेनको मात्रा बढाउँछ। महसँग बराबर मात्रामा कागतीको रस मिसाएर ओठमा लगाउनुहोस्। यसले ओठको सुख्खापन हटाउन मद्दत गर्छ। साथै, ओठको छालामा पाइने मृत छालाका कोशिकाहरू पनि हट्छन्। यस्तै मह र कागतीमा ग्लिसिरीनको केही थोपा मिसाएर राति सुत्नुअघि ओठमा लगाउन सक्नुहुन्छ।
ओठको कालोपन हटाउन यी कुरामा ध्यान दिनुका साथै सकभर अत्याधिक गर्मीका समयमा बाहिर ननिस्कनुस्। यस्तै धेरै धुम्रपान नगर्नुस् र पर्याप्त मात्रामा पानी पिउनुस्। ज्यादा केमिकलयुक्त सौन्दर्यका साधन प्रयोग नगर्नुस्।
